Monseigneur, l’inconvenient mest advenu que je suis esté

faict prisonnier par ceulx de la religion, et mené

en ceste ville, dont je ne puis sortir que je ne

face donner liberté à deux prisonniers que monsieur

de Gap tient à la Bastie Nefve, dont vous

avez ouy parler car, à ce que jentendiz, monseigneur,

on vous en a faict plaincte, daultant quilz ont

esté pris en temps de tresve. Je vous supplie

très humblement, monseigneur, me vouloyr faire ce bien

de mander à mondit sieur de Gap de les delivrer

pour moy sans y faire difficulté afin que je men

aille faire ma charge à Gap, où je masseure quil

y aura bien des plainctes pour mon absence.

Monseigneur, je supplie le Createur vous donner

en très bonne santé très longue et heureuse vie. De Mens,

ce XIIIIe mars 1574

Votre très humble serviteur

Faure

Consultation